Ініцыятыва «Ежа замест бомб» спыняе сваю дзейнасць

Амаль 17 гадоў кожныя выходныя ўдзельнікі ініцыятывы кармілі бяздомных.

Беларуская ініцыятыва «Ежа замест бомбаў» паведаміла аб часовым прыпыненні сваёй дзейнасці, паведамляе «Белсат».

«Зразумела, што паняцце «часовае» - эфемернае; і дакладных дат у нас няма, і яны не з'явяцца ў найбліжэйшай будучыні. На гэты крок нас падштурхнулі пэўныя падзеі, якія адбыліся з удзельнікамі і ўдзельніцамі ініцыятывы раней, асабістыя матывы і ўсведамленне таго, што цяпер мы не можам існаваць, як «Ежа замест бомб», а нашы паўмеры - скокі пад дудку рэжыму, якія рана ці позна скончацца пераследам актывістаў за іх палітычную пазіцыю», - заявілі актывісты.

Яны абяцаюць працягваць бараніць свае прынцыпы, але пакуль не з «Ежай замест бомб».

«Не забывайце, што ежа гэта права, а не прывілей!» - адзначылі прадстаўнікі ініцыятывы.

Нагадаем, што амаль 17 гадоў кожныя выходныя ўдзельнікі ініцыятывы кармілі бяздомных. Пры гэтым самі падвяргаліся ціску з боку міліцыі праз палітычны кантэкст сваёй дзейнасці. Так, год таму, 23 студзеня 2021 года 7 чалавек з ініцыятывы, якія раздавалі ежу, былі дастаўлены ў РУУС, пяцёра з іх атрымалі па 15 содняў арышту.