Экспэрт: На Захадзе могуць рабіць стаўку на ўнутрыпалацавыя канфлікты ў Крамлі
2- 1.10.2022, 16:44
- 11,998
Можа пачацца вялікая смута.
На Захадзе могуць рабіць стаўку на ўнутрыпалацавыя канфлікты ў Крамлі, аднак сцэнар фізічнай ліквідацыі Пуціна там пакуль не разглядаюць. Пра гэта ў інтэрв'ю «Главреду» расказаў палітолаг, дырэктар аналітычнага цэнтра «Трэці сектар» Андрэй Залатароў.
Паводле ягоных слоў, крамлёўская палітыка застаецца нязменнай з часоў фразы, якая прыпісваецца Чэрчылю аб тым, што палітыка Крамля нагадвае сутычку бульдогаў пад дываном і аб тым, хто перамог можна меркаваць з таго, чый труп будзе выкінуты на паверхню.
«Пуцін рэферэнтны масаваму расейскаму абывацелю. І я сабе цяжка ўяўляю, як нехта іншы, хто прыйдзе пасля Пуціна, адмовіцца ад Крыма і таго, што было падпісана (пастаеновы аб анэксіі ўкраінскіх тэрыторый. - заўв.). Калі, вядома, за спінай у яго не будзе сітуацыі вайсковага разгрому РФ або распачатай «вялікай смуты» - гэта адзіныя чыннікі, якія могуць паўплываць», - адзначыў Залатароў.
У той жа час, на думку экспэрта, Крэмль пакуль кантралюе сітуацыю ўнутры Расеі, і пратэсты, якія пачаліся ў шэрагу рэгіёнаў РФ на фоне абвяшчэння частковай мабілізацыі, пакуль не надта дзейсныя.
«У Дагестане яны не дапусцілі фатальных памылак і своечасова спахапіліся наконт перагінаў... Гэтыя пратэсты не арганізаваныя, у іх няма лідара і гэта шмат у чым прадвызначае іх характар як бунту. А бунт, як вядома, асуджаны на няўдачу. Таму пакуль гэтая сітуацыя кантраляваная. Каўказ – вельмі спэцыфічны рэгіён, але я не думаю, што чачэнцаў кінуць душыць антываенныя выступы – пры ўсім жаданні, такога глупства ў Крамлі не зробяць. Глупства ў іх, вядома, стае, але вось так ламаць дровы яны відавочна не будуць», - мяркуе Залатароў.