Кіраўніца Міністэрства абароны Нямеччыны: Узяцце Лімана - вялізны поспех для Украіны
5- 2.10.2022, 20:13
- 5,854
Украіна неўзабаве атрымае ад Бэрліна комплекс супрацьпаветранай абароны IRIS-T.
Міністарка абароны Нямеччыны Крысцін Ламбрэхт назвала ўзяцце Лімана велізарным поспехам для Украіны, але паваротны момант у вайне яшчэ не дасягнуты. Пра гэта яна сказала ў інтэрв'ю ARD, піша «Еўрапейская праўда».
- Гэта вялікі поспех, але гэта не паваротны момант. І менавіта таму так важна навучаць украінскіх салдат - у тым ліку і для будучыні. На жаль, нам даводзіцца лічыцца з тым, што гэтая вайна будзе працягвацца тыдні і месяцы, - сказала Ламбрэхт.
У суботу Ламбрэхт ажыццявіла свой першы візіт ва Украіну з пачатку поўнамаштабнага ўварвання 24 лютага.
У Адэсе яна сустрэлася з украінскім калегам Аляксеем Рэзнікавым і паабяцала, што Украіна на працягу «наступных некалькіх дзён» атрымае першы з некалькіх абяцаных Бэрлінам комплексаў супрацьпаветранай абароны IRIS-T. У сваю чаргу Рэзнікаў паведаміў, што Ламбрэхт «прывезла добрыя навіны і яшчэ больш інструментаў для ўмацавання ўкраінскага войска».
Пазней стала вядома, што Ламбрэхт падчас візіту ў Адэсу двойчы заспела паветраная трывога, калі расейскія сілы абстрэльвалі горад.