Лукашэнка слабее на вачах
108- 3.10.2022, 16:23
- 108,656
![Лукашэнка слабее на вачах](https://i.c97.org/ai/518267/aux-head-1664776428-20221003_luka_ochki_360.jpg)
Дыктатар адмаўляецца ад мерапрыемстваў і рытуалаў, якіх пільнаваўся гадамі.
UDF падае некалькі прыкладаў, якія сведчаць аб тым, што фізічная форма Аляксандра Лукашэнкі цяпер далёкая ад ідэалу.
Перастаў збіраць ураджай на прысядзібным надзеле
У канцы жніўня беларускія і замежныя СМІ традыцыйна абляталі кадры, як Лукашэнка з найбліжэйшым асяродкам ці збірае кавуны, ці капае бульбу. Але сёлета дыктатар ад збору ўраджаю на прысядзібным надзеле адмовіўся - прынамсі, яго прэс-служба пра гэта нічога не паведаміла.
Праўда, ужо летась было бачна, што фізічная праца давалася Лукашэнку нялёгка.
![](https://i.c97.org/ai/518267/aux-1664776339-zdo_2.jpg)
Часта абапіраецца на стол
Падчас апошніх інспекцый прадпрыемстваў было бачна, што дыктатар нібыта пастаянна шукае апору. Так пасля наведвання Мінскага механічнага завода імя С.І.Вавілава – кіраўнік кампаніі холдынгу "БелОМА" прэс-служба Лукашэнкі распаўсюдзіла цэлую серыю здымкаў аднатыпных паводзін палітыка.
![](https://i.c97.org/ai/518267/aux-1664776340-zdo_3.jpg)
![](https://i.c97.org/ai/518267/aux-1664776340-zdo_4.jpg)
![](https://i.c97.org/ai/518267/aux-1664776340-zdo_5.jpg)
Адмовіўся 1 верасня ад наведвання навучальнай установы
Традыцыйна ў Дзень ведаў Лукашэнка наведваў розныя навучальныя ўстановы - школы або ВНУ. Так некалькі гадоў таму, праводзячы першы ўрок для старшакласнікаў у новай школе Менска, ён заявіў, што электракар Tesla яму нібыта падарыў сам Ілан Маск.
Але сёлета не Лукашэнка пайшоў да навучэнцаў, а яны да яго - у Палац Незалежнасці, дзе дыктатар доўга з імі размаўляў, седзячы ў крэсле.
![](https://i.c97.org/ai/518267/aux-1664776340-zdo_6.jpg)
Выязны выступ перад журналістамі - таксама ў становішчы седзячы
Яшчэ з 90-х Лукашэнка пільнуецца даволі дакладнага фармату выпраў, падчас якіх ён не толькі «інспектуе» тэрыторыю і размаўляе з чыноўнікамі (і ўсё менш з простымі работнікамі), але і перад ад'ездам адказвае на самыя розныя (хоць і загадзя зацверджаныя) пытанні набліжаных журналістаў.
Усё гэта ён рабіў у паходным варыянце - выключна стоячы. Але тыдзень таму пасля азнаямлення з будаўніцтвам музея ў мемарыяльным комплексе «Хатынь» Лукашэнка і сам прысеў на крэсла, і маладых журналістаў пасадзіў на лавачкі.
![](https://i.c97.org/ai/518267/aux-1664776340-zdo_7.jpg)
Ці гуляе зараз Лукашэнка ў хакей?
Пацвярджэнняў вернасці ўлюбёнаму хобі з боку кіраўніка краіны даўно няма. У апошні раз пра гульню Лукашэнкі ў хакей паведамлялі ў красавіку - тады ён атрымаў клюшкай па твары ў фінальным матчы Рэспубліканскіх спаборніцтваў сярод аматараў.
Нядаўна стартаваў чарговы сезон аматарскага чэмпіянату Менска ў хакеі і там гуляе Аляксандр Лукашэнка - але не вядомы ўсім палітык, а ягоны ўнук, сын Віктара Лукашэнкі.
Таксама звяртае на сябе ўвагу той факт, што кіраўнік Беларусі не згуляў у хакей з Уладзімірам Пуціным падчас нядаўняга візіту ў Сочы - а раней яны любілі разам паганяць шайбу.
Прэс-служба Лукашэнкі даўно нічога не паведамляе пра здароўе палітыка
Хаця інфармаванне пра самаадчуванне лідараў з'яўляецца нормай у дэмакратычных краінах. Нават інфармацыю аб тым, што кіраўнік Беларусі другі раз перахварэў на каранавірус, выдаў сам Лукашэнка - мімаходзь падчас нарады ў пачатку гэтага года.
Між тым сведчанні не пра найлепшую фізічную форму палітыка з'яўляюцца ўжо больш за год. У 2021-м публікаваліся сярод іншага відэа, на якіх Лукашэнка з цяжкасцю перасоўваўся.
Відавочна, за апошні год Лукашэнка здароўе не паправіў.
Лукашенко после своей рекордной пресс-конференции в 8 часов и 15 минут
— Диалог.UA (@Dialog_UA) August 12, 2021
Но в номинации "Лучший мочевой пузырь" конкурентов нет pic.twitter.com/orPLTNQT0c