Заўтра ў Беларусі будзе да +16°С

Чакаюцца дажджы.

5 кастрычніка варункі надвор'я ў Беларусі ўначы будзе вызначаць тылавая частка цыклону з цэнтрам над Ленінградскай вобласцю Расеі, удзень у асноўным адаб'ецца ўплыў вобласці павышанага атмасфернага ціску і малаактыўнага атмасфернага фронту, піша pogoda.by.

Воблачна з прасвятленнямі. Уначы пераважна ва ўсходняй палове кароткачасовыя дажджы, удзень месцамі невялікія дажджы. Вецер заходні, паўднёва-заходні сярэдні, уначы месцамі парывісты. Тэмпература паветра мінімальная ўначы +2..+8°С, максімальная ўдзень ад +9°С на паўночным усходзе да +16°С на паўднёвым захадзе. Атмасферны ціск цягам дня будзе інтэнсіўна расці.

6 кастрычніка надвор'е ў рэспубліцы будзе вызначаць вобласць павышанага атмасфернага ціску і цёплая паветраная маса, якая паступае з Заходняй Еўропы. Чакаецца воблачна з прасвятленнямі. Пераважна без ападкаў. Уначы і раніцай у асобных раёнах туман. Вецер паўднёва-заходні, сярэдні, удзень месцамі парывісты. Тэмпература паветра мінімальная ўначы +4..+10°С, максімальная ўдзень +14..+20°С.

7 кастрычніка ў рэспубліцы захаваецца ўплыў вобласці павышанага атмасфернага ціску і цёплай паветранай масы. Чакаецца пераменная воблачнасць. Без ападкаў. Уначы і раніцай месцамі туман. Вецер паўднёва-заходні, заходні сярэдні. Тэмпература паветра мінімальная ўначы +3..+10°С, максімальная ўдзень +12..+19°С.