Для ўладальнікаў беларускіх аграсядзіб увялі чарговыя навінкі
11- 5.10.2022, 12:10
- 5,222
Што зменіцца.
Указ №351 "Аб развіцці аграэкатурызму" падпісаў Аляксандр Лукашэнка 5 кастрычніка, паведаміла прэс-служба беларускага дыктатара.
Цяпер усім аграсядзібам Беларусі давядзецца аформіць дазвол у райвыканкамах на "вядзенне дзейнасці ў сферы аграэкатурызму". Зрабіць гэта трэба да 1 ліпеня 2023 года.
Якія змены чакаюць беларускія аграсядзібы
Новы Указ удакладняе патрабаванні да аб'ектаў аграэкатурызму. Напрыклад, жылых пакояў павінна быць не больш за дзесяць. Што тычыцца вядзення асабістай падсобнай гаспадаркі і колькасці відаў паслуг, то іх павінна быць не менш як дзве.
Пералік паслуг таксама дапоўнены правядзеннем майстар-класаў, якія павінны знаёміць наведвальнікаў з рамёствамі і нацыянальнымі традыцыямі рэгіёна.
Таксама ўстаноўлена адказнасць уладальнікаў аграэкасядзіб за парушэнні (у тым ліку з боку наведвальнікаў!) грамадскага парадку або спакою грамадзян.
Таксама сярод магчымых парушэнняў - невыкананне заканадаўства ў сферы санітарна-эпідэміялагічнага дабрабыту насельніцтва, прыродаахоўных, супрацьпажарных патрабаванняў.
Акрамя таго, новым указам уводзяцца абмежаванні па правядзенні прэзентацый, юбілеяў, банкетаў і іншых мерапрыемстваў у непасрэднай блізкасці ад суседніх жылых дамоў.