З сайтаў райспажыўтаварыства зніклі кошты гародніны і садавіны, якая закупляецца ў насельніцтва
5- 7.10.2022, 20:49
- 11,036
![З сайтаў райспажыўтаварыства зніклі кошты гародніны і садавіны, якая закупляецца ў насельніцтва](https://i.c97.org/ai/518941/aux-head-1665150207-20221007_rynak_pinsk_360.jpg)
Жыхарам прапануюць здаць прадукцыю паводле дамоўных коштаў.
Учора Лукашэнка правёў «нараду з эканамічным сектарам». Па выніку, з 6 кастрычніка кошты ў Беларусі падвышаць забаранілі. «За выключэннем індывідуальных пастаноў міністра ці старшыні аблвыканкама. За парушэнне - затрыманні і крымінальныя справы. Адказнасць па ўсёй вертыкалі».
Раніцай 7 кастрычніка ні на адным з сайтаў райспажыўтаварыства — Лунінецкага, Пінскага і Столінскага — не было расцэнак на закупку гародніны ў насельніцтва. Пазначана, што «кошт дамоўны і можа мяняцца з улікам кан'юнктуры рынку», піша «Медыя-Палессе».
Да гэтага закупачныя цэны, напрыклад у Столінскім райспажыўтаварыстве, абнаўляліся двойчы — раніцай і ўдзень. Цяпер на гэтым месцы пуста.
Як вы думаеце, чаму паспрыяе такая пастанова «ўрада»?
![](https://i.c97.org/ai/518941/aux-1665150085-pinskoe-rajpo.jpg)
![](https://i.c97.org/ai/518941/aux-1665150085-lunineczkoe-rajpo.jpg)
![](https://i.c97.org/ai/518941/aux-1665150085-stolinskoe-rajpo.jpg)