Пад Ліманам УСУ знайшлі штаб акупантаў з важнымі дакументамі
2- 7.10.2022, 19:38
- 9,360
Імі зоймецца ДБР Украіны.
Супрацоўнікі Дзяржаўнага бюро расследаванняў знайшлі штаб расейскіх акупантаў, які яны зладзілі ў адным з прыватных дамоў у вёсцы Яцкіўка пад Ліманам у Данецкай вобласці.
Пра гэта паведамляе прэс-служба ДБР Украіны.
Праваахоўнікі знайшлі ў будынку спісы палонных і незаконна арыштаваных асоб. Акрамя таго, былі знойдзены дакументы са звесткамі асоб і анкеты кандыдатаў на пасады, якія надумалі працаваць на акупантаў у захопленых прадпрыемствах і арганізацыях.
ДБР вывучыць выяўленыя довады для прыцягнення да адказнасці кожнага, хто ўчыніў дзеянні супраць нацыянальнай бяспекі Украіны.
Між тым стабілізацыйныя мерапрыемствы ў Лімане працягваюцца. Там праводзяцца першачарговыя следчыя дзеянні, у тым ліку і ў рамках ужо адкрытых крымінальных вядзенняў у дачыненні да мясцовых здраднікаў і калабарантаў.
Следчыя таксама працягваюць збіраць доказную базу датычнасці фігурантаў да супрацоўніцтва з захопнікамі і падрыўной дзейнасці супраць дзяржаўнай цэласнасці і суверэнітэту нашай краіны. Былі канфіскаваны мабільныя тэлефоны, карты памяці і іншая тэхніка. Сабраныя сведчанні мясцовых жыхароў аб учыненні правапарушэнняў.