Латвія падоўжыла рэжым надзвычайнай сітуацыі на мяжы з Беларуссю
- 2.11.2022, 21:39
- 1,690
Рэжым будзе дзейнічаць мінімум да 10 лютага 2023 года.
На латвійска-беларускай мяжы падоўжаны рэжым надзвычайнай сітуацыі, паведамляе прэсавая служба кабінета міністраў Латвіі.
Рэжым будзе дзейнічаць да 10 лютага 2023 года ў чатырох прымежных самакіраваннях Латвіі - Лудзенскім, Краслаўскім, Аўгшдаўгаўскім краях і Дзвінску. Гэты рэжым быў уведзены з улікам праблемы з нелегальнымі мігрантамі на мяжы з Беларуссю ў жніўні.
“У кампетэнтныя органы Літвы і Польшчы таксама далей паступаюць звесткі пра спробы незаконнага пераходу мяжы з боку Беларусі. Такім чынам, надалей трэба забяспечыць ахову латвійска-беларускай мяжы ва ўзмоцненым рэжыме», - заявілі ва ўрадзе.