УСУ знішчаюць акупантаў у левабярэжным «мяшку» на Херсоншчыне

HIMARS і Excalibur дазволілі ўкраінскаму войску ўстанавіць агнявы кантроль над плацдармам ад Херсона да Армянска.

Украінскім сілам варта адказаць Расеі за нядаўнюю ракетную атаку. Яны павінны ўдарыць па самой Масковіі, а таксама зайсці ў Крым. Прычым зрабіць гэта не толькі трэба, але і можна да Новага года.

Пра гэта распавёў палітолаг і эканаміст Алег Соскін у новым выпуску праграмы «Аргумент».

«Нанесці такі найсур'ёзнейшы ўдар па энэргетыцы, па генератарах - гэта трэба быць такім падлам, мякка кажучы! Гэта серыйныя забойцы! Яны будуць біць кожныя 10 дзён. У іх ёсць ракеты для гэтага. Яны вырабляюць Х-101, крыху вырабляюць і «Калібры» і іншыя. Плюс яны скралі шмат неабходнай электронікі, ёсць і пастаўкі, нават з заходніх краін. Іх задача (яе пацвердзіў і Пяскоў), што яны павінны дасягнуць мэт. Зыходзячы з гэтага, я думаю, трэба наносіць удары па Масковіі», - кажа Соскін.

З ягоных слоў, УСУ неабходна ў першую чаргу знішчыць левабярэжны «мяшок» акупантаў у Херсонскай вобласці і зайсці ў Крым - «сцерці з твару зямлі кавалак ад Кінбурнскай касы да Скадоўска».

«У нас ёсць артылерыя. HIMARS б'юць з Херсона да Армянска. Ёсць і іншыя набоі, тыя ж Excalibur і інш. У нас дастаткова сродкаў, гэта ніхто не ўтойвае. У гэтым перавага Украіны на сёння: да Армянска Украіна сёння валодае агнявой моцай», - кажа экспэрт.

Ён зазначыў, што ўкраінская артылерыя ўжо часткова перакрывае гэты раён артылерыяй і расейцы не могуць туды падцягнуць рэзервы.

«Часу застаецца вельмі мала. Я думаю, увайсці ў Крым трэба да новага года. Калі УСУ туды ўваходзяць, то руйнуецца ўся сістэма, пачнецца падзенне для Пуціна. Таму што Крымскі паўвостраў для яго, для ўсёй тэрарыстычнай машыны - сакральнае месца. Калі стукнуць у гэты пункт, то згіне ўся спецаперацыя», - сцвярджае Соскін.