СМІ: Смерць Макея выгадная Крамлю
8- 27.11.2022, 11:54
- 12,858
На пачатку гэтага тыдня Макей адправіўся на саміт АДКБ у Ерэван, а ўжо напрыканцы яго не стала.
Уладзімір Макей адыгрываў важную ролю ў карнай сістэме дыктатара Лукашэнкі незалежна ад таго, якую пасаду займаў.
Лукашэнка любіць тасаваць кадравую калоду. Але Макей быў адной з ключавых фігур рэжыму. У 2000-2008 працаваў памочнікам дыктатара. 15 ліпеня 2008 года прызначаны на пасаду кіраўніка адміністрацыі Лукашэнкі.
Падчас пратэстаў пасля «выбараў» у 2010-м годзе менавіта Макей расказваў на тэлевізіі аб «падрыхтоўцы тэрарыстычных актаў» і «баевіках».
20 жніўня 2012 года назначаны міністрам замежных спраў. Актыўна лабіяваў зняцце санкцый супраць рэжыму Лукашэнкі. Заяўляў, што «праблем палітвязняў у Беларусі не існуе».
26 лістапада Макей нечакана памёр на фоне інфармацыі аб замене Лукашэнкі, якая рыхтуецца ў Крамлі.
Гэта магло стварыць праблемы для Макея, якога не ўспрымалі ў Маскве. Шмат хто ў Крамлі адкрыта называў яго «агентам уплыву Захаду», што, вядома, было глупствам. Кіраўнік МЗС праводзіў антыбеларускую і рэпрэсіўную лінію, якую вызначаў дыктатар Лукашэнка.
Яшчэ на пачатку гэтага тыдня Макей адправіўся на саміт АДКБ у Ерэван, прычым чамусьці на вайскова-транспартным самалёце. А ўжо напрыканцы яго не стала.
Смерць міністра істотна аслабляе замежнапалітычныя пазіцыі Лукашэнкі, зазначае выданне «Салідарнасць». Таму раптоўны скон дасведчанага беларускага дыпламата выгадны Крамлю.