Актывіста прафзвязу Міхаіла Громава асудзілі на два з паловай гады «хатняй хіміі»
- 27.11.2022, 20:20
- 2,112
Справу разглядала суддзя Святлана Чараповіч.
Суд Першамайскага раёна Менска 25 лістапада вынес прысуд палітычнаму вязню актывісту прафзвязу Міхаілу Громаву, паведамляе праваабарончы цэнтр «Вясна». Яго асудзілі на 2,5 гады "хатняй хіміі".
Міхаіла абвінавацілі ў арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх паводле ч.1 арт.342 КК. Справу разглядала суддзя Святлана Чараповіч.
Міхаіл Громаў - былы намеснік старшыні прафзвязу РЭП, затым сакратар Свабоднага прафсаюза металістаў, зліквідаванага беларускімі ўладамі ў ліпені гэтага года. Яго затрымалі 19 красавіка 2022 года разам са шматлікімі актывістамі незалежных прафзвязаў.
