Расейскія акупанты панеслі сур'ёзныя страты ў Энэргадары

Генштаб УСУ паведаміў падрабязнасці.

Генштаб УСУ паведаміў аб значных стратах расейскіх акупантаў у Запарожскай вобласці, якія яны панеслі за папярэднія дні.

У апублікаванай у «Фэйсбуку» ранішняй справаздачы на панядзелак, 28 лістапада, паведамляецца, што 26 лістапада ў раёне Энэргадара быў нанесены ўдар па аб'екце захопнікаў.

Было знішчана шэсць адзінак вайсковай тэхнікі рознага кшталту і паранены блізу 30 вайскоўцаў.

У раёнах населеных пунктаў Палагі і Чарнігаўка Запарожскай вобласці ў выніку дзеянняў Сіл абароны, блізу 80 захопнікаў атрымалі раны. Колькасць загінулых акупантаў удакладняецца.

Акрамя таго, зафіксавана блізу 30 адзінак пашкоджанай варожай вайсковай тэхнікі на рамонце ў населеным пункце Голая Прыстань Херсонскай вобласці.