22 лютага 2024, Чацвер, 23:44
Падтрымайце
сайт
Сім сім,
Хартыя 97!
Рубрыкі

Падрыхтоўка да трыбунала над Пуціным распачатая

11
Падрыхтоўка да трыбунала над Пуціным распачатая
Фота: Getty Images

У Зяленскага зрабілі важную заяву.

Сустрэча міністраў юстыцыі краін G7, на якой абмяркуюць расследаванні злачынстваў расейскіх вайскоўцаў ва Украіне, сведчыць аб падрыхтоўцы да трыбунала над крамлёўскім дыктатарам Пуціным і ягонымі суўдзельнікамі.

Як распавёў дарадца кіраўніка Офіса прэзідэнта Украіны Міхаіл Падаляк, запушчаны глабальны працэс юрыдычнай адказнасці за масавыя забойствы ўкраінцаў расейцамі.

З ягоных слоў, Расея ўжо ўсюды ізгой, яна даслоўна выводзіцца за дужкі еўрапейскай супольнасці цалкам.

- Наступны этап надзвычай важны. Гэта, безумоўна, кансультацыі міністраў юстыцыі ключавых краін, у тым ліку ЗША і Вялікай Брытаніі. Гэтыя краіны вызначаць юрыдычную канву, па якой Расея абавязкова пройдзе, - адзначыў Падаляк. – І пры гэтым Пуцін выходзіць і хіхікае, працягвае хіхікаць і расказваць пра тое, што ён будзе далей выконваць усе мэты «спецыяльнай ваеннай аперацыі»… Вось гэты хіхікаючы суб'ект абавязкова павінен прайсці праз невыносную працэдуру судовых працэсаў і ў рамках спецыяльнага трыбунала.

Дарадца кіраўніка ОПУ назваў Пуціна «царом, які кіруе Расеяй метадамі брутальнага гвалтаўніка»:

- Усё гэта павінна прайсці праз абавязковую працэдуру дэцарызацыі Расейскай Федэрацыі. Вайсковыя злачынцы абавязкова будуць пакараныя напоўніцу.

Днямі стала вядома, што міністры юстыцыі краінаў G7 сустрэнуцца 28 лістапада ў Берліне. Яны плануюць абмеркаваць захады, якія дазволяць больш эфектыўна расследаваць вайсковыя злачынствы Расеі ва Украіне.

Трэба адзначыць, што такая сустрэча адбудзецца ўпершыню.

Як вядома, у G7 сыходзяць Вялікая Брытанія, Нямеччына, Італія, Канада, Францыя, Японія і ЗША.

Напісаць каментар 11

Таксама сачыце за акаўнтамі Charter97.org у сацыяльных сетках