У Беларусі для ўладальнікаў сабак хочуць павялічыць падатак

Колькі давядзецца плаціць.

У Беларусі плануюць павялічыць падатак для ўладальнікаў сабак у 2023 годзе. Гэта прадугледжваецца праектам змен у Падатковы кодэкс.

У дакуменце сказана, што з 2023 года могуць быць прадугледжаныя наступныя сумы падатку для сабак:

11,1 рубля - для ўладальнікаў сабак старэйшых за тры месяцы;

55,5 рубля - для ўладальнікаў патэнцыйна небяспечных заводаў сабак.

Падатак для ўладальнікаў сабак быў уведзены з 1 студзеня 2010 года. У 2022 годзе стаўка падатку для ўладальнікаў сабак была ўстаноўленая сумай 9,3 рубля, а для ўладальнікаў патэнцыйна небяспечных заводаў - 46,5 рубля.

Гэты падатак выплачваецца раз на квартал. Так, за I квартал падатак трэба аплаціць да 27 красавіка, за II квартал - да 27 ліпеня, за III - да 27 кастрычніка і за IV - да 27 студзеня.

Адзначаецца, што ад выплаты падатку вызваляюцца ўладальнікі сабак, калі шчанюк малодшы за тры месяцы, і інваліды, для якіх утрыманне сабакі-павадыра - жыццёвая неабходнасць. Акрамя таго, падатак не плацяць уладальнікі, якія жывуць у прыватных дамах, пры ўмове ўтрымання імі не больш за адной жывёліны.