Вечаровая справаздача Генеральнага штаба УСУ

Украіна супрацьстаіць уварванню РФ 278-ы дзень.

Расейцы працягваюць спробы наступальных дзеянняў у Данецкай вобласці. А Узброеныя сілы Украіны дакладна атакавалі ды знішчылі варожы пункт кіравання ў Херсонскай вобласці.

Пра гэта паведамляе Генеральны штаб УСУ.

Вораг учыніў блізу 10 абстрэлаў з рэактыўных сістэм залпавага агню пазіцый украінскіх войскаў і цывільных аб'ектаў. Захоўваецца пагроза нанясення супраціўнікам ракетных удараў па аб'ектах крытычнай інфраструктуры ў глыбіні тэрыторыі Украіны. Так, вораг утрымлівае ў гатовасці авіяцыйную групоўку і караблі-носьбіты крылатых ракет.

На Валынскім, Палескім і Северскім кірунках становішча без істотных змен, прыкмет фармавання наступальных груповак супраціўніка не выяўлена.

На Слабажанскім кірунку расейскія кафіры абстралялі з мінамётаў і рэактыўнай артылерыі такія паселішчы як Казачая Лопань, Страляча, Агурцова, Бударкі і Чугуноўка Харкаўскай вобласці.

На Купянскім кірунку супраціўнік вядзе абарону раней занятых меж. Учыніў абстрэлы з мінамётаў, рульнай і рэактыўнай артылерыі такіх паселішчаў як Купянск, Табаеўка, Крахмальнае і Бераставое ў Харкаўскай вобласці.

На ліманскім кірунку вораг засяроджваецца на вядзенні наступальных дзеянняў. Зафіксаваныя абстрэлы з усяго спектра артылерыі недалёка ад Макееўкі і Неўскага Луганскай вобласці і Ямпалеўкі і Торскага ў Данецкай вобласці.

На Бахмуцкім і Аўдзееўскім кірунках супраціўнік працягвае спробы наступальных дзеянняў. Учыніў абстрэлы з танкаў, мінамётаў, рульнай і рэактыўнай артылерыі такіх паселішчаў як Спорнае, Якаўлеўка, Бахмуцкае, Бахмут, Аўдзееўка, Вадзяное, Першамайскае, Краснагораўка, Мар'інка і Новаміхайлаўка Данецкай вобласці.

На Навапаўлаўскім кірунку вораг абстраляў з артылерыі пазіцыі Сіл абароны і паселішчы Вуглядар і Няскучнае Данецкай вобласці.

У Запарожскім кірунку акупанты абараняюцца. Агнявы ўздзеянне зазналі паселішчы Урэмаўка, Навасёлка, Наваполь, Краснае, Залізнічнае, Даражнянка і Каменскае Запарожскай вобласці.

На Крыварожскім і Херсонскім кірунках супраціўнік вядзе абарону пазіцый на часова занятых тэрыторыях. Не спыняе артылерыйскія абстрэлы паселішчаў на правым беразе ракі Дняпра, у тым ліку і Херсона.

Паводле наяўнай інфармацыі, з сённяшняга дня акупанты забаранілі ўваход на тэрыторыю Запарожскай АЭС работнікам станцыі, якія адмовіліся падпісваць кантракты з "Росатам".

Расейскія захопнікі далей ганебна паміраюць ва Украіне. Так, адно з падраздзяленняў расейскіх акупацыйных войскаў у Луганскай вобласці за мінулы тыдзень страціла да 70% асабовага складу. Каля Бабіна Херсонскай вобласці пацверджанае знішчэнне пункта кіравання супраціўніка, знішчана да 5 адзінак вайсковай тэхнікі, інфармацыя аб загінулых і параненых вайскоўцах удакладняецца.

Паблізу Старабагданаўкі Запарожскай вобласці Сіламі абароны пашкоджаны чыгуначны мост, які выкарыстоўвалі акупанты для дастаўкі ўзбраення і вайсковай тэхнікі.