22 чэрвеня 2024, Субота, 23:04
Падтрымайце
сайт
Сім сім,
Хартыя 97!
Рубрыкі

Расейскія і кітайскія вайсковыя самалёты ўвайшлі ў паветраную прастору Паўднёвай Карэі

10
Расейскія і кітайскія вайсковыя самалёты ўвайшлі ў паветраную прастору Паўднёвай Карэі

Баявая авіяцыя знаходзілася там 18 хвілін.

Вайсковыя самалёты Кітая і Расеі ўвайшлі 30 лістапада ў апазнавальную зону супрацьпаветранай абароны Паўднёвай Карэі без папярэдняга апавяшчэння Сеула. Пра гэта паведаміла паўднёвакарэйскае агенцтва Yonhap.

Паводле звестак Аб'яднанага камітэта начальнікаў штабоў Паўднёвай Карэі, а 05:48 па мясцовым часе два кітайскія бамбавікі H-6 у апазнавальную зону СПА Рэспублікі Карэя. Інцыдэнт паўтарыўся праз гадзіну.

А а 12:18 у зону ўвайшлі ўжо два кітайскія H-6 і шэсць расейскіх вайсковых самалётаў (чатыры бамбавікі ТУ-95 і два знішчальнікі Су-35). Знаходзіліся там яны 18 хвілін. У Паўднёвай Карэі заяўляюць, што кітайскія і расейскія вайсковыя самалёты праводзілі супольныя трэнінгі падчас палётаў.

У апошні час напружанне ў рэгіёне абвастраецца і праз Паўночную Карэю, якая нарасціла выпрабаванні сваіх балістычных ракет у кірунку Японіі і Паўднёвай Карэі.

Напісаць каментар 10

Таксама сачыце за акаўнтамі Charter97.org у сацыяльных сетках