26 лютага 2024, панядзелак, 23:02
Падтрымайце
сайт
Сім сім,
Хартыя 97!
Рубрыкі

Памёр актор Купалаўскага тэатра Фама Варанецкі

1
Памёр актор Купалаўскага тэатра Фама Варанецкі

Заслужанаму артысту Беларусі было 84 гады.

29 лістапада 2022 года памёр вядомы беларускі актор Фама Варанецкі. Заслужанаму артысту Беларусі было 84 гады.

«Сумная навіна. Пайшоў з жыцця сапраўдны купалавец, наш добры сябар, настаўнік і натхняльнік, актор і мастак Фама Варанецкі. Светлая памяць, спачуванні родным і блізкім», - напісалі Свабодныя Купалаўцы.

Фама Варанецкі нарадзіўся 23 сакавіка 1938 года ў Траскоўшчыне пад Менскам. Заслужаны артыст Беларусі (1990).

Быў акторам Коласаўскага тэатра ў Віцебску, акторам Купалаўскага з 1971 года. З 1990 г. выкладаў у Беларускай акадэміі мастацтваў (прафесар).

Спачатку выконваў ролі герояў, потым пераважна характэрныя. Сярод найлепшых роляў у тэатры імя Я. Коласа: Раскольнікаў («Злачынства і пакаранне»), Леанідзік («Мой бедны Марат»), Віктар («Варшаўская мелодыя»); у тэатры імя Я. Купалы: Салянік («Радавыя»), Паніч ("Раскіданае гняздо"), Жабрак («Аўдзеевы пакуты»), Настаўнік («Безыменная зорка»), Клеон («...Забыць Герастрата!»).

Напісаць каментар 1

Таксама сачыце за акаўнтамі Charter97.org у сацыяльных сетках