Палітычны вязень Алег Фамін выйшаў на волю
1- 5.11.2022, 20:55
- 6,012
Ён правёў за кратамі 2,5 года.
48-гадовы прадпрымальнік, трэнер у футболе з Ваўкавыска Алег Фамін быў затрыманы 15 жніўня 2020 года. Яму прысудзілі 2,5 года агульнага рэжыму за «гвалт альбо пагрозу ўжывання гвалту ў дачыненні да супрацоўніка органаў унутраных спраў» (арт.364 КК), паведамляе «Вясна».
Таксама Алег павінен выплаціць «пацярпеламу» міліцыянту Вячаславу Іванову 2000 рублёў.
Разам з ім на 1,5 года "хатняй хіміі" была асуджаная і ягоная жонка Анастасія Фаміна, якая кінулася мужу на дапамогу.
На судзе Фаміны сваёй віны не прызналі.