Ашуканцы пад выглядам «Белпошты» запусцілі рассылку аб «розыгрышы»
2- 9.11.2022, 21:51
- 8,740
Яны прапануюць ад яе імя прайсці апытанне і здабыць грошы.
Кліентам «Белпошты» сталі прыходзіць паведамленні ў мэсэнджэры ад ашуканцаў. Аб гэтым арганізацыя паведаміла прэс-служба паштовай арганізацыі.
«Інфармуем вас пра тое, што ад імя РУП «Белпошта» невядомыя рассылаюць паведамленні ў мэсэнджарах пра юбілейны розыгрыш да 60-годдзя прадпрыемства і прапануюць прайсці апытанне, за якое карыстальнік нібыта атрымае грашовую суму 1000 рублёў», — гаворыцца ў паведамленні «Белпошты».
У арганізацыі папярэдзілі кліентаў, што гэтыя паведамленні прыходзяць ад ашуканцаў, а сама арганізацыя не праводзіць ніякіх юбілейных розыгрышаў. «Белпошта» настойліва просіць не паддавацца на хітрыкі зламыснікаў і не пераходзіць на невядомыя спасылкі.
Нагадаем, раней у «Белпошце» распавядалі пра іншую схему махлярства: невядомыя абтэлефаноўвалі людзей і прасілі як мага хутчэй забраць пасылку, якая нібыта прыйшла на іх імя, пра якую тыя і не падазравалі — праўда, яны павінны былі аплаціць кошт паштовых паслуг і паслуг адпраўніка.