Беларусь: раптоўная праверка баявой гатоўнасці або перакідка войскаў

Наводзяцца маставыя пераправы праз рэкі Нёман і Бярэзіна.

У Міністэрстве абароны Беларусі заявілі аб раптоўнай праверцы баявой гатоўнасці. Яна распачатая на даручэнне Лукашэнкі, паведамляе прэс-служба ведамства.

"Мерапрыемствы будуць мець комплексны характар, войскам трэба будзе ў найкарацейшыя тэрміны высунуцца ў прызначаныя раёны, ажыццявіць іх інжынернае абсталяванне, арганізаваць ахову і абарону, а таксама навесці маставыя пераправы праз рэкі Нёман і Бярэзіна", — гаворыцца ў паведамленні.

Там таксама адзначаецца, што ў "гэты перыяд запланавана перамяшчэнне ваеннай тэхнікі і асабовага складу, часовае абмежаванне руху грамадзян (транспарту) па асобных дарогах агульнага карыстання і ўчастках мясцовасці".