Ва УСУ з'явілася башкірская рота

На днях яна дашчэнту разбіла «вагнераўцаў» пад Бахмутам.

У складзе Узброеных сілаў Украіны з'явілася рота з нараджэнцамі Башкартастана. Некалькі дзён таму яна зачысціла апорны пункт расейскіх наймітаў з ПВК «Вагнера», піша «Главред».

Адзначаецца, што башкірская рота не ўваходзіць у склад легіёна «Свабода Расеі».

Пры гэтым легіён «Свабода Расеі», які складаецца з замежнікаў, цяпер ваюе пад Бахмутам у Данецкай вобласці. Менавіта там знаходзіцца адзін з самых «гарачых» кірункаў на фронце.

Таксама паведамляецца, што на баку УСУ ваюе цюркская рота «Туран».