21 лютага 2024, Серада, 15:05
Падтрымайце
сайт
Сім сім,
Хартыя 97!
Рубрыкі

Жыхар Гомеля скраў у краме бутэльку віскі, каб «карміць маленькае дзіця»

5
Жыхар Гомеля скраў у краме бутэльку віскі, каб «карміць маленькае дзіця»

Як менавіта ў гэтым дапаможа дарагі алкаголь, мужчына растлумачыць не змог.

Беспрацоўны жыхар Гомеля прыйшоў у краму і скраў бутэльку віскі, якую схаваў у заплечнік. Затым мужчына набраў яшчэ і прадуктаў, якія паклаў у заплечнік і ў кішэні, пішуць «Гомельскія ведамасці».

Калі злодзей праходзіў міма кас, прадавец прапанавала яму расплаціцца за тавар. На гэта мужчына адказаў, што не мае грошай. Калі злодзея паспрабавалі затрымаць, ён кінуў частку прадуктаў на падлогу, адштурхнуў прадаўца і паспрабаваў уцячы.

Жыхар Гомеля змог выбегчы на вуліцу, але схавацца яму не ўдалося. Зламысніка дагналі, а скрадзены тавар вярнулі на паліцы.

Сумарны кошт скрадзеных прадуктаў склаў 170 рублёў. Гамельчук заявіў, што яму трэба карміць дзіця, таму наважыўся на такі ўчынак. Навошта дзіцяці бутэлька віскі - мужчына растлумачыць не змог.

Да суда ён знаходзіцца пад падпіскай аб нявыездзе, але маладому бацьку можа пагражаць да шасці гадоў пазбаўлення волі.

Напісаць каментар 5

Таксама сачыце за акаўнтамі Charter97.org у сацыяльных сетках