УСУ ліквідавалі расейскага дэпутата-камуніста

Пуцініст прамяняў дзяржапарат на вайну і паплаціўся за гэта.

Украінскія воіны ліквідавалі дэпутата-камуніста Сяргея Голікава з Новасібірскай вобласці РФ.

Як паведаміў OSINT-экспэрт Іраклій Камахідзэ, 37-гадовы Голікаў нарадзіўся ў Сургуце, а апошнія два гады працы аддаў дзяржапарату.

«Народны абраннік» Рашэтаўскага сельсавета Качкоўскага раёна Голікаў адправіўся ў зону баявых дзеянняў паўгода таму. Ад дэпутата засталіся толькі «рожкі ды ножкі», бо так і не ўдалося знайсці яго фатаграфіі», - напісаў Камахідзэ.

З ягоных слоў, у ліквідаванага акупанта ёсць толькі дзве пустыя старонкі ў забароненых сацыяльных сетках «Аднакласнікі» і «Вконтакте».