Войскі РФ уцяклі пад Сватава, кінуўшы танк Т-90М «Прарыў»

Рэдкі трафей трапіў да байцоў УСУ ў ідэальным стане.

УСУ займелі новы цікавы трафей у баях пад Сватавым, што на Луганшчыне. Захоплены танк Т-90М «Прарыў». Украінскія вайскоўцы знялі свой трафей на відэа.

Мяркуючы па відэа, танк удалося захапіць у непашкоджаным стане. «Здымаю адціснуты танчык...Т-90... І так будзе з кожным, хто прыйдзе на нашу зямлю», - расказаў баец на відэа.

Вайсковы аглядальнік Аляксандр Каваленка ў сваім блогу ў Telegram адзначыў, што гэта ўжо 14-ы па ліку Т-90, які УСУ адабралі ў акупантаў у якасці трафеяў, і 2-й мадыфікацыі «Т-90М».

«Ва Украіны танкаў Т-90 становіцца больш, чым у некаторых краін, якія іх набывалі. Напрыклад, Туркменістана», - адзначыў блогер.

Даведка Т-90М «Прарыў» - гэта найноўшая мадыфікацыя танка «Т-90», якую расейцы дэманстравалі свету ў 2018 годзе. На ўзбраенне УС РФ яны пачалі паступаць у 20-м годзе. І толькі год таму ў РФ прыступілі да яго серыйнай вытворчасці. «Прарыў» мае мадэрнізаваную вежу, сістэму кіравання агнём «Каліна», палепшаную гармату і дынамічную абарону «Рэлікт».