УСУ знішчылі некалькі сховішчаў з расейскімі боепрыпасамі з дапамогай дрона

Акупанты засталіся без артылерыйскіх набояў.

Украінскія абаронцы знішчылі варожы боекамплект на пазіцыях акупантаў. Расейскія вайскоўцы якраз падрыхтавалі набоі для абстрэлу.

Відэа апублікавала Управа стратэгічных камунікацый Узброеных сіл Украіны.

На кадрах бачна, што акупанты выклалі боепрыпасы для артылерыі недалёка ад сваіх пазіцый. УСУ з дапамогай дрона іх заўважылі.

Праз некаторы час украінскія байцы ўзарвалі варожыя склады з дапамогай беспілотніка. Акупанты засталіся без артылерыйскіх набояў.