У менскай Лошыцы адбылася масавая аварыя

49-гадоваму кіроўцу стала дрэнна за стырном.

У панядзелак, 5 снежня, раніцай у двары дома №70 на вуліцы Прушынскіх у менскім мікрараёне Лошыца адбылася масавая аварыя. Аўтамабіль BMW рэзнуўся ў прыпаркаваныя аўто. Пашкоджаныя два Renault, Opel і Nissan.

За стырном BMW знаходзіўся 49-гадовы кіроўца.

- Паводле папярэдняй інфармацыі, кіроўцу стала дрэнна падчас руху. У карэце хуткай медыцынскай дапамогі ён памёр, - паведамілі ў ДАІ Менска.