Вынесены прысуд паводле справы «Атрадаў грамадзянскай самаабароны Беларусі»
11- 5.12.2022, 15:29
- 12,198
Пяці фігурантам прысудзілі ад 14 да 20 гадоў калоніі.
У Менскім абласным судзе сёння вынесены прысуд паводле справы «Атрадаў грамадзянскай самаабароны Беларусі». Пяці фігурантам прысудзілі ад 14 да 20 гадоў калоніі, паведамляе ПЦ «Вясна».
Ім інкрымінаваліся тры эпізоды — спроба падрыву вузла сувязі вайскова-марскога флоту Расеі ў Вілейцы, замах на прапагандыста Рыгора Азаронка і спроба знішчыць лесанарыхтоўчую тэхніку ў лясгасах.
Абвінавачаным прысудзілі наступныя тэрміны:
Наталлі Мацвеевай - 14 гадоў калоніі ды штраф 400 базавых,
Вадзіму Гулевічу - 18 гадоў калоніі і штраф 600 базавых,
Кірылу Ашурка - 15 гадоў калоніі і штраф 400 базавых,
Аляксею Глотаву - 20 гадоў калоніі і штраф 700 базавых,
Змітру Сасноўскаму - 20 гадоў калоніі і штраф 700 базавых.