З істэрыкі Сіманьян смяюцца нават адэпты расейскай прапаганды
6- 7.12.2022, 10:02
- 18,944
![З істэрыкі Сіманьян смяюцца нават адэпты расейскай прапаганды](https://i.c97.org/ai/527191/aux-head-1670396538-20221015_simonian_360.jpg)
Ізноў «чырвоныя лініі» і «цэнтры прыняцця пастаноў»?
Галоўная прапагандыстка РФ, галоўная рэдакарка Russia Today Маргарыта Сіманьян нарвалася на хвалю крытыкі за свой допіс з пагрозамі Захаду.
Нашумелы допіс яна апублікавала ў Telegram увечары 6 снежня, перадае dialog.ua.
Сіманьян паспрабавала грозна пракаментаваць навіну аб тым, што РФ склікае на 9 снежня Раду бяспекі ААН з нагоды паставак Захадам зброі Украіне.
«Калі я нешта разумею ў жыцці, гэтае першае кітайскае папярэджанне. Дойдзе і да апошняга», - напісала крамлёўская прапагандыстка.
![](https://i.c97.org/ai/527191/aux-1670396479-cc69834d401827bb89e57eb09f3af190.jpg)
Расейскія «патрыёты» не сталі цырымоніцца. Прапагандыстцы хутка нагадалі, што апошнія 10 месяцаў пуцінскі рэжым з зайздроснай рэгулярнасцю шле пагрозы Украіне і Захаду, аднак так іх і не рэалізоўвае.
«Думаў, навіна 2021 года. Высвятляецца, снежань 2022 года.
Ізноў «чырвоныя лініі» і «цэнтры прыняцця рашэнняў»? Ну, смешна ўжо такое чытаць.
Заклапочанасць трыста трыццаць трэцяя.
А ўсім яшчэ не зразумела, што ўвесь свет чхае на заклікі Расеі?
Усім да лямпачкі!
Увесь свет ужо рагоча з гэтых папярэджанняў.
Першае? Сто першае! Цярпілы!
Няма ніякага папярэджання і не будзе. Мы прымем усе ўмовы. Гэта відавочна, як дзень…. Нават з канапы ўсё гэта бачна», - пішуць абураныя прыхільнікі Пуціна.
![](https://i.c97.org/ai/527191/aux-1670396479-b055029db99cde99073f28530cfd5fa1.jpg)
![](https://i.c97.org/ai/527191/aux-1670396479-f6c65fe5c9b526a8a865ba7557f23dc6.jpg)
![](https://i.c97.org/ai/527191/aux-1670396479-f01b97814afb4b972657bebcb329a4ed.jpg)