2 сакавiка 2024, Субота, 23:44
Падтрымайце
сайт
Сім сім,
Хартыя 97!
Рубрыкі

На Запарожжы ліквідавалі ветэрана спецназа ГРУ

7
На Запарожжы ліквідавалі ветэрана спецназа ГРУ

Расейскага «мобіка» і яго калегу аформілі «грузам 200» каля Энэргадара.

Пад часова акупаваным горадам Энэргадарам Запарожскай вобласці 2 лістапада былі ліквідаваныя два ўдзельнікі «СВА»: саратавец Аляксей Карташоў і арэнбуржац Арцём Тырлаў. Апошні ў 2007-2010 гадах праходзіў тэрміновую службу і кантракт у складзе 551-га асобнага атрада СпН 10-й брыгады спецназа галоўнай выведвальнай управы ФР.

Смерць захопнікаў пацвярджаюць некралогі ў расейскіх сацыяльных сетках. Звесткі аб «двухсотых» знайшоў валанцёр, блогер-расследавальнік Іраклі Камахідзэ і падзяліўся фатаграфіямі Тырлава на сваёй старонцы ў Facebook.

Як распавёў Камахідзэ, абодва расейцы патрапілі на вайну супраць Украіны па мабілізацыі.

34-гадовы Тырлаў (нарадзіўся 10 снежня 1987 года) мог бы і далей працаваць машыністам РЧ, але далучыўся да злачыннай «спецаперацыі» і 9 лістапада яго пахавалі «з воінскімі ўшанаваннямі».

Арэнбуржац быў прызваны з запасу ў першыя дні мабілізацыі, 30 верасня накіраваны на баявое зладжванне ў Саратаў. Ужо ў 10-х чыслах кастрычніка Тырлаў адправіўся ў зону баявых дзеянняў на пасадзе камандзіра аддзялення інжынерна-сапёрнай роты.

Расейскія СМІ паведамілі, што расеец прыцягваўся да службы на Паўночным Каўказе, што забяспечыла яму атрыманне статусу «ветэрана». Пасля кантракта Тырлаў вярнуўся ў Арэнбург, дзе 10 гадоў працаваў на чыгунцы. У акупанта засталіся ўдава і сын.

Што да Карташова, то інфармацыі пра яго ў адкрытых крыніцах нашмат менш. Саратаўскія ўлады заявілі, што ён «гераічна» загінуў «пры выкананні свайго воінскага абавязку».

Напісаць каментар 7

Таксама сачыце за акаўнтамі Charter97.org у сацыяльных сетках