Салаўёў зладзіў скандал у жывым эфіры, накінуўшыся на дэпутата Дзярждумы РФ

Расейскі прапагандыст заявіў, што «хадзіў на сустрэчы з бандытамі».

У жывым эфіры ток-шоў прапагандыста Уладзіміра Салаўёва разгарэўся скандал, у выніку якога вядоўца з крыкам накінуўся на дэпутата расейскай Думы Міхаіла Дзялягіна, які пачаў крытыкаваць галечу і беднасць жыцця ў Расеі.

Салаўёў настолькі разышоўся, што распавёў аб сваёй маладосці ў 90-я, калі займаўся прадпрымальніцтвам і хадзіў на сустрэчы з бандытамі.

Фрагмент відэа ў сваім тэлеграм-канале апублікаваў дарадца кіраўніка МУС Украіны Антон Герашчанка.

Дзялягін заявіў, што Крэмль падманвае расейцаў, «знішчаючы» пенсіянераў беднасцю. Салаўёў у адказ пачаў бараніць рэжым Пуціна. «Ты ў 90-я ў Расеі жыў? У мяне былі заводы, я з бандытамі ваяваў! Ты хоць раз на адну сустрэчу хадзіў? Ты хоць раз на адной страле быў? - Пачаў крычаць Салаўёў на свайго апанента, успамінаючы «разборкі з бандытамі» ў ранняй РФ.