28 сакавiка 2024, Чацвер, 21:45
Падтрымайце
сайт
Сім сім,
Хартыя 97!
Рубрыкі

Вечаровая зводка Генштаба УСУ

Вечаровая зводка Генштаба УСУ

УСУ атакавалі пазіцыі варожай артылерыі і знішчылі два склады боепрыпасаў.

Украінскія вайскоўцы атакавалі раён групавання варожай артылерыі і знішчылі два склады боепрыпасаў акупантаў.

Пра гэта паведамляе Генеральны штаб УСУ.

За дзень ад ракетных удараў і БПЛА ворага пацярпелі жылыя дамы і іншыя цывільныя аб'екты горада Карасценя Жытомірскай вобласці і шэраг населеных пунктаў Запарожскай вобласці. Акрамя таго, абстрэлы з рэактыўных сістэмаў залпавага агню зазналі жылыя кварталы горада Курахава Данецкай вобласці.

Надалей захоўваецца пагроза варожых ракетных удараў па аб'ектах энэргетычнай сістэмы і крытычнай інфраструктуры па ўсёй тэрыторыі Украіны.

На Валынскім і Палескім кірунках абстаноўка без істотных змяненняў, прыкметаў фармавання наступальных груповак праціўніка не выяўлена. На палігонах Рэспублікі Беларусь ідзе падрыхтоўка падраздзяленняў ворага.

На Слабажанскім кірунку праціўнік прадаўжае ўтрымліваць свае войскі ў памежных раёнах Белгародскай вобласці. Абстрэлы з танкаў, мінамётаў, ствольнай артылерыі зафіксаваныя недалёка ад Стрылечча, Цярновай, Старыцы, Ваўчанскіх Хутароў і Чугуніўкі Харкаўскай вобласці.

На Купянскім кірунку праціўнік вядзе абарону. Учыніў артылерыйскія абстрэлы раёнаў населеных пунктаў Дварычная, Катлярыўка, Табаіўка і Берастава Харкаўскай вобласці і Наваселіўскае і Стальмахіўка ў Луганскай вобласці.

На Ліманскім кірунку вораг здзейсніў абстрэлы з танкаў і артылерыі розных тыпаў па раёнах населеных пунктаў Макіівка, Плашчанка і Неўскае Луганскай вобласці і Тэрны і Ліман Данецкай вобласці.

На Бахмуцкім і Аўдзееўскім кірунках акупанты засяроджваюць асноўныя намаганні на вядзенні наступальных дзеянняў. Абстрэлы з танкаў, мінамётаў ствольнай і рэактыўнай артылерыі зазналі раёны населеных пунктаў Верхнякаменскае, Спірнае, Салядар, Бахмуцкае, Бахмут, Клішчыіўка, Залізнае, Аўдзееўка, Вадзяное, Первамайскае, Невельскае, Краснагорыўка, Мар'інка, Новаміхайлаўка Данецкай вобласці.

На Навапаўлаўскім кірунку вораг вядзе абарону. Здзейсніў артылерыйскія і мінамётныя абстрэлы пазіцый украінскіх войскаў паблізу населеных пунктаў Вуглядар, Богаяленўка, Прачыстаўка і Залатая Ніва Данецкай вобласці.

На Запарожскім кірунку праціўнік нанёс вогненную паразу паблізу Врэміўкі і Наваполя Данецкай вобласці і Даражнянкі, Гуляйполя і Залізнычнага ў Запарожскай вобласці.

На Херсонскім кірунку вораг абараняецца. Пад артылерыйскі агонь трапілі больш за 10 населеных пунктаў, сярод іншых Асакорыўка, Залатая Балка, Дудчаны Херсонскай вобласці і наваколлі Херсона.

Украінская авіяцыя цягам дня нанесла 11 удараў па раёнах групавання асабовага складу, узбраення і ваеннай тэхнікі, а таксама ўдар па пазіцыях зенітных ракетных комплексаў ворага.

За дзень украінскія ваяры збілі ўдарны БПЛА тыпу Shahed-136. Падраздзяленні ракетных войскаў і артылерыі сілаў абароны Украіны за дзень падбілі 3 пункты кіравання, 2 раёны групававання асабовага складу, раён групававання артылерыі і 2 боепрыпасы акупантаў.

Напісаць каментар

Таксама сачыце за акаўнтамі Charter97.org у сацыяльных сетках