Пуціна паказваюць у запісе, а не ў жывым эфіры

Кіраўніка Крамля выдаў гадзіннік.

Telegram-канал «Можам растлумачыць» звярнуў увагу, што сустрэча Пуціна з так званымі праваабаронцамі ішла ў запісе. Кіраўніка Крамля выдалі гадзіннікі.

На першым фота, якое апублікаваў Telegram-канал, а 18.25 на гадзінніку Пуціна, які трапіў у кадр, можна было разглядзець стрэлкі, якія паказваюць 18.05, а ў 18.33 — таксама на 20 хвілін менш, 18.13 (другое фота).

«Магчыма, прэс-служба баялася, што гутарка нават з самымі паслухмянымі чальцамі СПЧ пойдзе не паводле плану, і хто-небудзь з іх задасць няўзгодненае пытанне. Хаця такая магчымасць была зведзена да мінімуму яшчэ ў лістападзе, калі Пуцін выключыў з Савета сваім указам некалькіх чалавек, нелаяльных да Крамля ці не да канца падкантрольных», — піша Telegram-канал.

Праваабаронцы Кацярына Вінакурава і Ігар Каляпін, якіх не пусцілі на сустрэчу, сказалі, што сапраўды хацелі падняць вострыя тэмы, - пра фашызацыю краіны, але такой магчымасці ім не далі.