За «абразу Лукашэнкі» менчука асудзілі на год калоніі
8- 9.12.2022, 11:22
- 5,868
Яго мабільны тэлефон забралі ў «даход дзяржавы».
Суд Партызанскага раёна Менска 5 лістапада закончыў разбор крымінальнай справы ў дачыненні да 53-гадовага жыхара сталіцы Вадзіма Калініна. Яго абвінавацілі ў «абразе Лукашэнкі» паводле ч. 1 арт. 368 Крымінальнага кодэкса, паведамляюць праваабаронцы.
Судовы працэс вяла суддзя Наталля Дзядкова.
Паводле выстаўленага абвінавачання, Вадзім Калінін у лютым 2022 года, «выкарыстоўваючы свой мабільны тэлефон Xiaomi Redmi 6А, пакінуў у сацыяльнай сетцы Instagram пад публікацыяй старонкі minsk_news з выявай Лукашэнкі каментар абразлівага характару на ягоны адрас».
Суд прызначыў Калініну пакаранне ў выглядзе пазбаўлення волі на тэрмін адзін год з адбываннем у папраўчай калоніі ва ўмовах агульнага рэжыму. Паведамляецца, што ягоны мабільны тэлефон забралі ў «даход дзяржавы».