Пад новыя санкцыі ЕЗ могуць патрапіць беларускія тытунь, нафта і калій
3- 11.05.2022, 21:40
- 9,866
Раней пад абмежаваннямі была толькі частка прадукцыі «Нафтана», «Белкалія» і «Інтэр Табака».
Шосты пакет санкцый Еўразвязу супраць рэжыму Аляксандра Лукашэнкі, які можа быць апублікаваны ўжо на гэтым тыдні, вялікі ўдар наносіць па тытунёвай, калійнай і нафтаперапрацоўчай прамысловасці. Пра гэта паведамляе са спасылкай на свае звесткі «Наша Ніва».
Так, у спісе будуць фабрыка «Інтэр Табака», якая належыць лукашэнкаўскаму дзялку Аляксею Алексіну, і гарадзенская тытунёвая фабрыка «Нёман».
Санкцыі за вайну ва Украіне накладуць на «Нафтан», Беларускую калійную кампанію, «Беларуськалій» і яшчэ некалькі прадпрыемстваў. Раней пад абмежаваннямі была толькі частка іх прадукцыі.
З фізічных асоб у спіс патрапяць двое сыноў Алексіна, на якіх той імкнецца перапісаць частку актываў. Таксама туды патрапіць адзін з сербскіх братоў Карычаў, якія на льготных умовах забудоўваюць Менск.
Таксама пад санкцыі патрапяць кіраўнік «Беларуськалію» Іван Галаваты, Ігар Тур, Людміла Гладкая і Рыгор Азаронак.