Дыетолагі назвалі ідэальныя для вячэры прадукты
3- 13.05.2022, 17:47
- 6,656
Адзін з такіх прадуктаў - вараная бульба.
Кожны лекар вам скажа - здароўе ўсіх органаў стрававання залежыць ад правільнага і рэгулярнага харчавання. Але калі са сняданкам і абедам усё зразумела, то з вячэрай людзі разабрацца пакуль яшчэ не змаглі, піша medicina.ua.
Дыетолагі ўпэўненыя, перапынак паміж сняданкам і вячэрай не павінен быць меншым за 10 гадзін. Таму час вячэрняга прыёму ежы наўпрост залежыць ад таго, калі вы ўстаяце па раніцах. Калі вы прывыклі снедаць а 8 раніцы, вячэраць трэба не пазней за 6 вечара, але калі звычайна вы спіце да 10, вячэру можна адсунуць на дзве гадзіны. Бо заснуць на галодны страўнік - задача не з лёгкіх. Асабліва калі да гэтага вы не абвыклі адмаўляць сабе ў вячэрняй трапезе.
Акрамя таго, каб вячэра прынесла карысць, а не шкоду, неабходна правільна падабраць прадукты харчавання. Ідэальны прадукт для вячэры той, які пераварваецца блізу трох гадзін.
Катэгарычна не падыходзяць «хуткасныя» сокі, булёны і лёгкія супы, гарачы шакалад - усё гэта затрымліваецца ў страўніку не даўжэй за гадзіну. Гэта значыць, вы прагаладаецеся да таго, як засняце. Класціся ж спаць адразу пасля вячэры таксама шкодна для здароўя.
Не падыходзяць для вячэры стравы са смажанага мяса і печані, вэнджаніны, бабовых, якія доўга пераварваюцца. Іх лепш замяніць такімі прадуктамі, як яйкі, салаты з нятлустай смятанай, морапрадукты, вараная бульба і да т.п.
Вячэрні прыём ежы павінен быць лёгкім, але пры гэтым змяшчаць досыць вітамінаў, бялкоў і харчовых валокнаў. Калі вельмі хочацца салодкага, можна з'есці нешта з садавіны.