Амаль 300 расейскіх дэзерціраў пагражалі зброяй ФСБ і з боем прарваліся назад у РФ
34- 14.05.2022, 14:04
- 50,280
Акупанты беглі з Луганскай вобласці да расейскай глыбінкі на Запаляр'і.
Расейскія акупанты масава дэзерціруюць, каб не ваяваць ва Украіне. Салдаты Пуціна гатовыя сесці ў турму, абы не сустрэцца з байцамі УСУ.
На Данбасе амаль тры сотні акупантаў, прыхапіўшы зброю, збеглі ў роднае Запаляр'е, са спасылкай на крыніцу ва ўкраінскіх спецслужбах паведамляе 24 канал.
Паводле звестак спецслужбаў, у сярэдзіне красавіка з Данбаса ўцякло цэлае падраздзяленне расейскіх акупантаў.
"Даведаўшыся, што іх пагоняць у бой для прарыву пазіцый УСУ, 295 чалавек з Ненецкай аўтаномнай акругі разам з уласнай зброяй пакінулі месцы дыслакацыі брыгады. Акупанты рушылі на мяжу Расеі з Луганшчынай, дзе ледзь не ўчынілі страляніну з ФСБшнікамі, пасля чаго некалькі тыдняў дабіраліся да расейскай глыбінкі на Запаляр'і", – гаворыцца ў матэрыяле.
Свабодзе дэзерціры радаваліся нядоўга
Акупантаў затрымалі і адправілі ў следчыя ізалятары – ім пагражае да 10 гадоў за кратамі, бо яны дзейнічалі ў складзе арганізаванай групы, а таксама ўцякалі з аўтаматамі. Цяпер дэзерціраў будуць паказальна судзіць – каб іншыя расейцы баяліся атрымаць падобнае пакаранне", – сказана ў паведамленні.
Спыніць плынь дэзерціраў не могуць нават расстрэльныя атрады кадыраўцаў, якія прысутнічаюць ва Украіне, зазначаюць у спецслужбах.
Рэаліі вайны выцвярэжваюць нават самых адурманеных прапагандай Крамля расейцаў
Сярод асабовага складу разбітых ва Украіне падраздзяленняў варожай арміі пераважае думка пра татальны ідыятызм найвышэйшага ваенна-палітычнага камандавання, пішуць журналісты.
"Праз падобную сітуацыю на франтах расейскія каты ўсё часцей наносяць сабе калецтвы, каб іх вярнулі дадому, ламаюць тэхніку, каб не ехаць на прарыў, а таксама адмаўляюцца ад удзелу ў баявых дзеяннях", – гаворыцца ў матэрыяле.
З улікам таго, што Расея юрыдычна не знаходзіцца ў стане вайны, за адмову ўдзельнічаць у баявых дзеяннях змусіць да крымінальнай адказнасці вайскоўцаў ніхто не можа. Расстрэльныя атрады кадыраўцаў, якія павінны заціскаць бунты сярод вайскоўцаў, увогуле бескарыснымі, калі колькасць тых, хто адмаўляецца, перавышае некалькі дзясяткаў", – рэзюмуе выданне.