Пад Харкавам два месяцы праляжалі целы расейскіх вайскоўцаў
10- 2.05.2022, 21:46
- 29,066
Сваіх не кідаюць?
На выездзе з Харкава два месяцы праляжалі трупы шасці расейскіх акупантаў, вайсковую тэхніку якіх раней разбілі сілы УСУ. Іхнія целы так і не забралі калегі, якія знаходзілася непадалёк.
Пра гэта паведаміў начальнік Следчай управы галоўнай управы Нацыянальнай паліцыі ў Харкаўскай вобласці Сяргей Болвінаў.
«Сваіх не кідаем - фраза, якая, як і ўсё, што кажа расейскае кіраўніцтва і расейская прапаганда, мае вывернутае значэнне. На адным з выездаў з Харкава нашымі войскамі было разбіта некалькі адзінак рашысцкай тэхнікі. Яны кінулі сваіх жаўнераў, гэта не адзінкавы выпадак, гэта значыць або гэтыя жаўнеры не свае, або пляваць ім і на сваіх, і на чужых, на ўсіх, акрамя сябе», - адзначыў Болвінаў.
Паводле ягоных слоў, названая тэрыторыя знаходзілася на лініі фронту, але цяпер абаронцы УСУ вярнулі над ёй кантроль і ўбачылі, што целы расейскіх жаўнераў праляжалі там амаль два месяцы.
Болвінаў дадаў, што цяпер праваахоўнікі праводзяць неабходныя следчыя дзеянні ды фіксуюць прычыненую агрэсарам шкоду.