Вораг «зламаў зубы» ля Папаснай: актуальныя весткі Генеральнага штаба УСУ

Доўжыцца 86-ы дзень супрацьстаяння ўкраінскага народа расейскаму ўварванню.

Пад вечар пятніцы, 20 траўня, вораг вядзе наступальныя дзеянні ва Усходняй аперацыйнай зоне, паведамляе Генеральны штаб УСУ.

Акупанты наносяць ракетныя ўдары па аб'ектах інфраструктуры і жылых кварталах ва Украіне. Працягваюцца артылерыйскія абстрэлы ўкраінскіх местаў, што прычыняецца да шматлікіх ахвяр сярод цывільнага насельніцтва.

На Валынскім і Палескім кірунках падраздзяленні Узброеных сіл Беларусі (да сямі батальёнаў) на ратацыйнай падставе выконваюць задачы заслоны дзялянкі ўкраінскай мяжы.

На асобных палігонах у Беларусі разгорнутыя два ракетныя дывізіёны тактычнага ракетнага комплексу "Точка-У" і дывізіён рэактыўнай сістэмы залпавага агню "Смерч".

На Северскім кірунку праціўнік вядзе паветраную выведку з ужываннем БЛА, працягвае інжынернае абсталяванне пазіцый на тэрыторыі РФ уздоўж мяжы Украіны.

На Слабажанскім кірунку агрэсар біў з артылерыі па пазіцыях УСУ на поўнач ад Харкава. Нанёс авіяцыйныя ўдары і правёў дыстанцыйнае мінаванне на маршрутах магчымага высоўвання падраздзяленняў Сіл абароны.

На Славянскім кірунку супраціўнік вядзе наступальныя дзеянні, перагрупоўвае войскі, назапашвае матэрыяльна-тэхнічныя рэсурсы. Вораг абстрэльваў з артылерыі пазіцыі нашых войск на поўдзень і паўднёвы захад ад Ізюма.

Каля Ярэмаўкі супраціўнік спрабуе навесці пантонную пераправу праз раку Северскі Данец.

На часова занятых тэрыторыях Харкаўскай вобласці вораг працягвае блакаванне дзейнасці ўкраінскіх аператараў сотавай сувязі, распаўсюджвае прапагандысцкія матэрыялы, спрабуе наладзіць трансляцыю расейскіх тэле- і радыёканалаў.

У Данецкім кірунку вораг спрабуе весці актыўныя баявыя дзеянні на Ліманскім, Севераданецкім і Бахмуцкім кірунках.

На Ліманскім і Севераданецкім кірунках вораг абстрэльваў пазіцыі нашых падраздзяленняў каля Лімана, Северскага, Лісічанска і Севераданецка.

На Бахмуцкім кірунку вораг пры падтрымцы артылерыі вядзе наступ, спрабуе авалодаць новымі межамі каля Папаснай, поспеху не мае.

На Курахаўскім кірунку, пры падтрымцы артылерыі і штурмавой авіяцыі, вораг вядзе наступ у кірунку паселішча Новаміхайлаўкі (10 км на поўдзень ад Мар'інкі), поспеху не меў.

У Марыюпалі вораг праводзіць фільтрацыйныя акцыі ў дачыненні да мясцовага насельніцтва.

У Навапаўлаўскім, Крыварожскім, Херсонскім і Запарожскім кірунках вораг працягвае абстрэлы падраздзяленняў нашых войскаў.

На Паўднёвабужскім і Таўрыйскім кірунках вораг спрабуе ўтрымаць занятыя межы, вядзе выведку, інжынернае абсталяванне пазіцый і лагістычнае забеспячэнне падраздзяленняў. Вораг працягвае інжынерныя работы для абсталявання другой лініі абароны.

Каб перашкодзіць наступу нашых падраздзяленняў, правёў мінаванне моста праз раку Інгулец ля Давыдавага Броду.

У рамках камплектавання падраздзяленняў, якія панеслі страты, ля Чарнабаеўкі вораг здзейсніў перасоўванне блізу 130 адзінак вайсковай тэхнікі.

На Таўрыйскім кірунку вораг праводзіў акцыі лагістычнага забеспячэння войскаў.

На Бесарабскім кірунку расейскія спецыяльныя службы робяць захады для дэстабілізацыі сітуацыі ў рэгіёне. Ізноў распаўсюджаная інфармацыя аб мінаванні аб'ектаў сацыяльнай інфраструктуры і т.зв. дзяржаўных устаноў у местах Тыраспалі, Бэндэрах, Дубасарах і Рыбніцы.