Якім будзе надвор'е на выходных?

Падрабязны прагноз для Беларусі на 21-23 траўня.

21 траўня надвор'е ў Беларусі будуць вызначаць атмасферныя франты ад цыклону, які перамяшчаецца праз тэрыторыю нашай краіны, піша pogoda.by.

Чакаецца воблачна, уночы з праясненнямі. На большай частцы тэрыторыі пройдуць дажджы, месцамі моцныя дажджы. Удзень на паўднёва-заходняй палове ў многіх раёнах, на астатняй тэрыторыі месцамі прагрымяць навальніцы. Уначы і раніцай у асобных раёнах слабы туман. Вецер пераменных напрамкаў сярэдні, удзень па паўднёва-заходняй палове з пераходам на паўночна-заходні моцны парывісты, у асобных раёнах вельмі моцны парывісты. Тэмпература паветра мінімальная ўночы складзе +7..+13°С, максімальная ўдзень будзе вагацца ад +10°С па поўначы да +23°С па поўдні краіны. Атмасферны ціск будзе падаць.

22 траўня ў Беларусі паўплывае ўплыў франтальнай сістэмы. Будзе пераважаць воблачнае, дажджлівае надвор'е, уночы ў асобных раёнах краіны пройдуць моцныя дажджы. Вецер заходні, з пераходам на паўночны парывісты, ноччу па паўднёва-заходняй палове, удзень па Берасцейскай вобласці моцны парывісты. Тэмпература паветра ўночы +6..+11°С, удзень +10..+17°С.

23 траўня надвор'е ў асноўным будзе вызначаць вобласць падвышанага атмасфернага ціску, ападкі ў асноўным спыняцца. Толькі ўночы і раніцай па паўднёвым захадзе краіны захаваецца ўплыў атмасфернага фронту, там пройдуць кароткачасовыя дажджы. Вецер паўночнай чвэрці сярэдні. Тэмпература паветра ўночы панізіцца да +1..+7°С, па паўднёвым захадзе да +9°С; у гадзіны максімальнага прагрэву тэмпература паветра падвысіцца да +14..+20°С.