Украінскія дэсантнікі паказалі, як знішчаюць расейскую тэхніку

Падбітыя тры расейскія танкі, тры баявыя машыны пяхоты і дзве баявыя машыны дэсанту.

Дэсантна-штурмавыя войскі з дапамогай украінскіх супрацьтанкавых ракетных комплексаў знішчаюць тэхніку арміі Расеі. Адпаведнае відэа апублікавала камандаванне ДШВ у Facebook.

На кадрах відаць украінскі інтэрфэйс ПТРК (верагодна, Стугна-П) і знішчэнне ракетамі расейскай тэхнікі, у тым ліку ў руху.

У камандаванні ДШВ адзначылі, што ўчора 80-я асобная дэсантна-штурмавая брыгада знішчыла тры расейскія танкі, тры баявыя машыны пяхоты і дзве баявыя машыны дэсанту.