Байдэн: ЗША гатовы абараняць Тайвань вайсковым шляхам

Гэтае абавязанне, якое на сябе ўзяў Вашынгтон.

Прэзідэнт ЗША Джозэф Байдэн пацвердзіў гатоўнасць абараняць Тайвань вайсковым шляхам. Пра гэта ён заявіў, адказваючы на пытанні падчас сумеснай прэс-канферэнцыі з прэм'ер-міністрам Японіі Фуміё Кісідай.

«Вельмі хутка: вы не хочаце ўцягвацца вайсковым шляхам ва ўкраінскі канфлікт з відавочных прычын, вы гатовыя вайсковым шляхам абараняць Тайвань?», - спыталі ў Байдэна.

«Так. Гэта абавязанне, якое мы ўзялі на сябе», - адказаў прэзідэнт ЗША.

Байдэн адзначыў, што ЗША пагадзіліся з палітыкай «адзінага Кітая», на якой настойвае Пекін, але катэгарычна супраць развязання пытання вайсковым шляхам з боку КНР.

«Але ідэя таго, што ён можа быць узяты сілай, проста ўзяты сілай, недарэчная для ўсяго рэгіёна. Гэта стане чарговым дзеяннем, падобным да таго, што адбылося ва Украіне. Гэта цяжар, які нават цяжэйшы», - дадаў Байдэн.