У Столінскім раёне зафіксавалі перамяшчэнне калоны «Іскандэраў»
7- 23.05.2022, 10:30
- 6,718
Вялікая вайсковая калона рухалася за восем кіламетраў ад украінскай мяжы.
За 8 кіламетраў ад мяжы з Украінай рухаецца вялікая вайсковая калона, якая складаецца з 7 адзінак грознай вайсковай тэхнікі. У гэтай баявой калоне транспартуюцца аператыўна-тактычныя ракетныя комплексы (АТРК) «Іскандэр».
Пра гэта ў сеціве паведамілі карыстальнікі са Століна, піша сайт «Медыя-Палессе».
Пішуць, што ў складзе вайсковай калоны перамяшчалася беларуская тэхніка баявога прызначэння. З высокай ступенню імавернасці, гаворка можа ісці пра АТРК «Іскандэр». Як раней заявіў Лукашэнка, Беларусь купіла гэтыя баявыя сістэмы ў РФ.
З улікам далёкасці АТРК «Іскандэр», разгортванне тактычных ракетных комплексаў на гэтым кірунку дае магчымасць узяць пад кантроль усю заходнюю частку Украіны, аж да мяжы з Вугоршчынай і Румыніяй.