Байдэн: Расея павінна заплаціць доўгатэрміновую цану за сваё варварства ва Украіне
3- 23.05.2022, 11:44
- 4,982
Сусветная супольнасць павінна паказальна пакараць РФ, каб ніхто больш не наважыўся на агрэсію.
Расейская Федэрацыя павінна ў доўгатэрміновай перспектыве расплачвацца за вайну ва Украіне. Маскву пакараюць паказальна за гэтае варварства, каб Кітай нават не думаў аб уварванні ў Тайвань, заявіў прэзідэнт ЗША Джо Байдэн падчас выступу ў Токіа, піша «Униан» са спасылкай на Euronews.
Амерыканскі лідар адзначыў, што Расея павінна заплаціць «доўгатэрміновую цану» за «варварства ва Украіне». Размова ідзе пра санкцыі супраць РФ, якія ўжо ўвялі ЗША і хаўруснікі.
«Справа не толькі ва Украіне», - дадаў таксама Байдэн.
Ён падкрэсліў, што скасаванне санкцый супраць РФ можа паслаць Кітаю сігнал аб «кошце спробы захопу Тайваня сілай».