Расейцы сталі часцей купляць авіябілеты «у адзін канец»

У сакавіку 2022 года на такія паездкі прыйшлося 70% замоў, у красавіку - 47%.

У Расеі вырасла доля мэнэджараў, якія пры выездзе з Расеі не купілі зваротныя білеты, піша РБК бізнэс-турызму.

Паведамляецца, што ў сакавіку 2022 года на такія паездкі прыйшлося 70% замоў, у красавіку - 47%. Для параўнання, у 2019 годзе доля білетаў «у адзін канец» складала трэць.

«Параўнанне з 2019 годам здаецца нам найбольш рэлевантным, так як рынак знаходзіўся ў стабільным стане, а не быў схільны да экстрэмальных уздзеянняў, такіх як, напрыклад, COVID-19», – распавёў прадстаўнік «Аэраклуба».

Пры гэтым ён не падаў звестак пра колькасць прададзеных білетаў і рэзервавання ў гатэлях.

Адзначаецца, што найбольш папулярнымі напрамкамі, куды ляцяць расейцы, каб потым не вяртацца, сталі Казахстан, Турцыя, Узбекістан, Ізраіль, Арменія, Азербайджан і ААЭ.

Таксама ў «Аэраклубе» канстатуюць, што попыт на квіткі «ў адзін канец» ускосна пацвярджае выезд з Расеі супрацоўнікаў шматлікіх кампаній, у першую чарку у IT-сферы.

«Праблема адтоку кадраў існуе. Яна была даволі масавая ў канцы лютага - пачатку сакавіка, калі табуны айцішнікаў, не разбіраючы дарогі, кудысьці паімчалі», - дадала ў сваю чаргу кіраўніца групы InfoWatch Наталля Касперская.