Колькі каштуе адпачынак у беларускім санаторыі

Многім беларусам не па кішэні.

Дырэктар Рэспубліканскага цэнтра аздараўлення і санаторна-курортнага лячэння насельніцтва Генадзь Балбатоўскі ў эфіры дзяржаўных СМІ назваў сярэдні кошт адпачынку ў беларускім санаторыі:

- Мы праводзілі маніторынг на гэтым тыдні па турыстычных фірмах і гатэлях Турцыі і Егіпта. Сярэдні кошт у Турцыі складае 145 рублёў, у Егіпце - 162. У той жа час на летні перыяд у нас, я ўжо магу канстатаваць, сярэдні кошт стандартнага двухмеснага нумара будзе складаць бязмала 72 рублі на дзень, уключаючы поўны пакет медыцынскіх працэдур, харчаванне, пражыванне і забаўляльныя праекты. Таму сёння можна казаць аб тым, што розніца практычна ўдвая.

Балбатоўскі чамусьці змаўчаў аб заробках беларусаў, калі называў кошт адпачынку ў беларускім санаторыі. Пры заробках $150-200, гэта сапраўдная раскоша.