Зяленскі: У Дзясне на Чарнігаўшчыне пад абломкамі знойдзеныя 87 целаў
3- 23.05.2022, 14:26
- 10,934
Удар нанесла расейская авіяцыя.
У выніку авіяўдару па ўкраінскім пасёлку Дзясне ў Чарнігаўскай вобласці, нанесенага акупантамі 17 траўня, загінулі 87 чалавек.
Аб гэтым заявіў прэзідэнт Уладзімір Зяленскі падчас Сусветнага эканамічнага форума, піша unian.net.
У час выступу прэзідэнту задалі шэраг пытанняў. Аб Дзясне прэзідэнт успомніў у адказе на пытанне, якой ён бачыць будучыню Украіны.
«Сёння мы скончылі працы на Дзясне. На жаль, статыстыка такая: сёння на Дзясне пад абломкамі 87 ахвяр. 87 трупаў, ахвяр, забітых - без гэтых людзей ужо будзе будучыня Украіны», - заявіў ён.
Зяленскі адзначыў, што як прэзідэнт краіны, якая ваюе, ён думае аб сучаснасці Украіны і аб тым, колькі людзей гіне штодня.