Сын Жырыноўскага змяніў прозвішча, імя ды імя па бацьку

Хоча ўнікнуць санкцый?

Былы намеснік старшыні Дзяржаўнай думы, сын заснавальніка партыі ЛДПР Уладзіміра Жырыноўскага Ігар Лебедзеў змяніў імя на Давід Аляксандравіч Гарсія. Пасля гэтага ён тры месяцы выконваў свае абавязкі ў парламенце пад старым імем. Гэта вынікае з матэрыялу выдання "База", якое пазнаёмілася з выпісам з дзяржаўнай сістэмы "Расейскі пашпарт".

Паводле звестак выдання змена імя адбылася на пачатку ліпеня 2021 года. За два тыдні да гэтага Лебедзеў заявіў, што сыходзіць з палітыкі. Згодна з сайтам Дзяржаўнай думы, паўнамоцтвы ён пры гэтым не склаў і займаў сваю пасаду намесніка старшыні ніжэйшай палаты да 11 лістапада 2021 года. У выбарах у Думу новага склікання ён не ўдзельнічаў.