Северскі Данец прыме ўсіх

Як войскі РФ атрымліваюць удары ад УСУ на Луганшчыне.

Не здолеўшы ўзяць Кіеў і Харкаў, расейскія акупанты перакінулі вялікія сілы на Данбас. Але і на ўсходзе Украіны рашысты не змаглі ўзяць у адно вялікае кольца сілы УСУ на Данбасе. У той жа час яны спрабуюць стварыць меншыя ачапленні, Напрыклад, у раёне Севераданецк-Лісічанск. Аднак на гэты момант узброеныя сілы Расеі не дасягнулі значнага прагрэсу ці прарыву ў гэтай спробе. Аб дэталях сітуацыі на Луганшчыне «Апострофу» распавёў каардынатар групы «Інфармацыйны супраціў» Канстанцін Машавец.

Цяпер вораг спрабуе зайсці ў Севераданецк, атакуе горад з боку Пурдаўкі, Сіроціна і Баравенек, але мост праз раку Бараву ў Ваяводаўцы ўзарвалі, таму агрэсар шукае іншыя шляхі, каб падысці да горада. Адначасова з гэтым дзве групоўкі расейскіх войскаў спрабуюць праводзіць аперацыю па атачэнню падраздзяленняў УСУ. Адна з іх дзейнічае з кірунку Папаснай, іншая, паўночная, спрабуе выйсці на шырокім фронце да Северскага Данца, фарсіраваць яго і ўдарыць на Северск.

Расейцы падцягваюць падмацаванні, якія ў іх ёсць пад рукой. У згаданых кірунках кінуты ў бой досыць важкія сілы: на адным з іх дзейнічаюць 15-17 варожых батальённых груп, на іншым - да 20.

Папаснянская групоўка цяпер з поўдня спрабуе прарвацца праз Васільеўку і Камышаваху ў паўночна-заходнім кірунку, трымае пад агнявым уплывам трасу Бахмут-Лісічанск, падышоўшы да яе на адлегласць 5-6 кіламетраў. Таксама вораг з боку Уладзіміраўкі атакуе Якаўлеўку, праз якую праходзіць згаданая дарога Лісічанск-Бахмут, і рвецца з поўдня на Васільеўку, Белагораўку і Берастава.

Відавочна, што прыпыненне наступлення папаснянскай групоўкі пад Уладзіміраўкай у бок Салядара і Якаўлеўкі, а таксама ў кірунку на поўнач праз Камышаваху, было выкліканае не толькі значнымі стратамі ў яе перадавых падраздзяленнях, панесеных у папярэдніх 3-дзённых баях па прарыву да Бахмута і Камышавахі, але і цэлым шэрагам фактараў. Напрыклад, агнявым налётам па магутнай калоне забеспячэння ворага, які быў нанесены ўкраінскай артылерыяй у першы ж дзень прарыву, як толькі калона выехала з Першамайску. Акрамя таго, ужо праз дзень пасля прарыву УСУ нанеслі пад Камышавахай кароткі контрудар, які фактычна і спыніў распаўсюджванне прарыву ворага на поўнач, стабілізаваўшы сітуацыю на гэтым адцінку.

Прынамсі сёння камандаванне войскаў ворага актыўна папаўняла і перагрупавала свае перадавыя падраздзяленні пад Папаснай, спрабуючы змяняць кірункі і адрэзкі ўводу іх у бой хуткім часам. Так, напрыклад, дастаткова відавочнымі сталі планы камандавання папаснянскай групоўкі войскаў праціўніка прарвацца паміж Камышавахай і Залатым на поўнач, з мэтай выйсці ў фланг нашым абарончым падраздзяленням Горскага, а таксама канчаткова заняць Ташкаўку.

Паўночная групоўка вядзе баі на паўднёвы захад ад Ямпаля і на паўднёвых ускраінах Лімана. Адначасова з боку Дробышава і Стаўкоў надыходзіць фактычна яшчэ адна група, спрабуючы прыціснуць нашы войскі пад Ліманам да Северскага Данца і разбіць іх.

Зрэшты, асноўным кірункам для ворага застаецца Северск, бо гэта дазваляе выйсці ў Верхнекаменку і замкнуць кола акружэння нашых войскаў у Севераданецку і Лісічанску. Але ім трэба фарсіраваць Данец, захапіць шырокі плацдарм, утрымаць яго - папярэдняя спроба зрабіць гэта ў Белагораўцы, як вядома, цалкам правалілася.

Цяпер вораг разглядае магчымасць фарсіравання Данца на адцінку прыкладна ад Дронаўкі да Шыпілаўкі. Інфармацыі аб тым, што агрэсар пачаў актыўныя дзеянні ў гэтым кірунку, пакуль няма. А без гэтага прарывацца ў Северск яму будзе цяжка. Але падкрэслю, само па сабе фарсіраванне ракі, стварэнне і ўтрыманне плацдарма на правым беразе - не будзе самамэтай войскаў ворага. Галоўная яго задача - выйсці на Северск і Верхнекаменку. У выпадку частковага поспеху паўночнай групоўкі па фарсіраванні Северскага Донца, папаснянская група войскаў ворага абавязкова паспрабуе прарвацца праз Васільеўку на Берастава, каб надаць дапамогу. Таму найбліжэйшым часам варта чакаць сінхранізацыі дзеянняў паўночнай і папаснянскай груповак войскаў ворага.

Агульная сітуацыя па ўсёй Луганска-Данецкай аперацыйнай зоне складаная. Праціўніка ўдалося часова спыніць і нават месцамі з дапамогай артылерыі і кароткіх, раптоўных контрудараў - стабілізаваць абстаноўку. Але тэмпы папаўнення і ўзмацнення дзвюх згаданых ударных груповак расейскіх войскаў відавочна забяспечваюць ім нарошчванне ўзроўню баяздольнасці, прычым, нават ва ўмовах адносна высокіх страт.