У Менску можна арандаваць кватэру ля метро да $200 у месяц

Кошт арэнды жылля змяншаецца ў сталіцы.

Пакуль многія тавары ў Беларусі даражэюць, а рэальныя заробкі падаюць, кошт арэнды жылля таксама зніжаецца. У Менску цяпер за суму да 200 даляраў рэальна арандаваць аднапакаёвую кватэру ці «двушку» каля метро, прычым жыллё будзе з мэбляй, піша zerkalo.io.

«Аднапакаёўка» побач з «Пушкінскай» - з рамонтам, мэбляй і посудам

За 450 метраў ад станцыі метро «Пушкінская» ў доме пабудовы 1970 года (яго адрас - праспект Пушкіна, 38) здаецца аднапакаёвая кватэра за 198 даляраў або 520 рублёў у месяц. Гаспадары шукаюць жыхароў на працяглы тэрмін.

Жыллё размешчанае на другім паверсе дзевяціпавярховага дома. Агульная плошча кватэры - 38 м², пакоі - 20 м², ёсць зашклёная лоджыя. У памяшканні зроблены касметычны рамонт, ёсць усё неабходнае для пражывання. Мяркуючы па фота, кватэра акуратная і светлая.

На кухні ёсць лядоўня, мікрахвалёвая печ, дробная бытавая тэхніка. Кватэрантам дастаецца пральная машына, тэлевізар, у пакоі ёсць сучасная мэбля, убудаваныя шафы, таксама падключаны высакахуткасны інтэрнэт.

У Кунцаўшчыне, да метро - 350 метраў

На працяглы тэрмін здаецца аднапакаёвая кватэра на вуліцы Ляшчынскага, 7. Да найбліжэйшай станцыі метро «Кунцаўшчына» - 350 метраў. Кошт арэнды ў месяц - 180 даляраў або 474 рублі.

Кватэра размешчаная на шостым паверсе дзевяціпавярховага панэльнага дома 1987 пабудовы, яе агульная плошча - 33 «квадрата», пакоі - амаль 18 м².

У кватэры зроблены касметычны рамонт, ёсць мэбля, лядоўні, пральная машына, мікрахвалевая печ, праведзены інтэрнэт.

Двухпакаёвая з перапланіроўкай, у раёне Ангарскай

Двухпакаёвая кватэра за 200 даляраў або 526 рублёў на працяглы тэрмін здаецца ў Заводскім раёне, на вуліцы Варвашэні, 18. Да станцыі метро «Магілёўская» — 650 метраў.

Жыллё размешчанае на другім паверсе шасціпавярховага цаглянага дома, які пабудавалі ў 1968 годзе, а сем гадоў таму тут прайшоў капітальны рамонт. У кватэры зроблена перапланіроўка: зроблены ізаляваны пакой і вялікая кухня-студыя ў 15 м² з газавай плітой. Ёсць зашклёны балкон. У абвестцы пазначана, што ў памяшканні зроблены добры рамонт.

Кватэра здаецца з мэбляй, убудаванымі шафамі, посудам і бытавой тэхнікай - лядоўнямі, пральнай машынай, тэлевізарам, ёсць высакахуткасны інтэрнэт.

«Двушка» ў Малінаўцы са старой мэбляй

Апошні варыянт не зусім у метро, да яго - блізу кіламетра. Але цэннік за «двушку» на вуліцы Касманаўтаў, 23/3 адносна прыемны - 200 еўраў або 526 рублёў. Праўда, патрабуецца перадаплата за два месяцы. Жыллё размешчанае на апошнім паверсе. У абвесцы ўказана, што ўласнік нерухомасці з'яжджае ў іншую краіну, таму ніякіх турбот сваімі візітамі ў кватэру не прынясе.

Гэтая кватэра – у маласямейцы плошчай крыху больш за 50 «квадратаў», з яе 28 м² займаюць жылыя пакоі, кухня – сем «квадратаў». Рамонт гаспадар ацаніў як «здавальняючы».

Кватэрантам пакідаюць лядоўню, посуд, пральную машыну, тэлевізар, часткова - мэбля, якая, мяркуючы па фота, даволі старая: лакаваная шафа, традыцыйная «сценка» савецкіх часоў, зэдлікі.

І напрыканцы «аднапакаёўка» ля Камароўкі за 180 даляраў, якую «адвялі» на вачах.

Яшчэ днём сёння быў варыянт па арэндзе аднапакаёвай кватэры на вуліцы Кульман, 24 за 180 даляраў ці 474 рублёў. Жыллё размешчанае на пятым паверсе дзевяціпавярховіка 1973 пабудовы, яно здавалася на працяглы тэрмін. Найбліжэйшая станцыя метро «Плошча Якуба Коласа» знаходзіцца ў кіламетры ад дома. Побач - Камароўскі рынак.

Кватэра стандартнай планіроўкі, яе метраж - 33 «квадраты», жылы пакой - крыху больш за 18 м². Ёсць лядоўня, мікрахвалёўка, пральная машына, посуд, праведзены высакахуткасны інтэрнэт. Але да моманту публікацыі тэксту гэты варыянт стаў ужо недаступны для арэнды.